kada tomina

Sitammu mali’ siman siromba’ kaboro’ anggenna inde selek sirenden, tinting paonganan siayo kalamba’ siambara barana’. Lendu lan te ulu ba’ba masangka, temai pantaranakna gayang tarapang pa’lolonan seleng sirenden anak pare pare nangka bati’ passasaran tuyu yamo to sang basse nene’na inde tobosi ongi’na sangkalapanda kapuanganna inde to lollo passaronganna, tu rampo mengkara’pa mendemme’ batueranna sangka tiumba padang di randanbatu,tu marassan unnula tarampak tentolopi daon daun , den to koli koli unlamban tasik mapulu’ belanna angganna ka tongkonan to kumua inang senga’ ke bendanni pa’ pa dukkuan api ke tu nannang ro’tosan kayu nanna anna rampo uran di langi’ kenden tana’ topalulungan den to tasik bambana liko pollo banuanna kumua inang tempon to dolona inang tontong na situran turunanni tasik tasik to bambana minanga pollo banuanna inang senga’ kenang panglolloan inang laen kenang pa’ pendeng seleng sirenden ta’deoi sang papa’ kombong oi sang osso’ susi te allo to temo tu kulla tar ante lu langngan na lambi’ mi tandean allu’na iato sang basse nene’na to sang kalapanda kapuanganna anna tiumba tampa rapa’na PONG KALUA’ lan di randan batu pang lollona ke sirik aluk ma kalalong lalong lan padang di buntao’ , tang bangngaran sangka loko kalemi tangla pondok palelean ke tiumba’ ki umpo kasalle rengnge’na umpa bintin tondok saririnna rara makamban buku tang siaderan hahahaeeeee

Ooeee pa pendeng seleng sirenden silolloan na lulangngan si kenden pa lu rekke dao tangkena lamba unnisung dao burapa’na barana palelean, koeee tiumba oi sang osso’ kombong oi gayang tarapang tollokkoi sang papa’ seleng sirenden, tangta tiro raka tau tae’ka ta pelelei ke messaile suleki umpata’pai mata masiri’ lamentimikan tingkan malun pessaileta , unsaile alang ma’dandan te dio pan to ma’ paran paran nanai sussare gayang unnisung tongkonan tarapang di pan to di sembang dio landak siayokan, tunanai bendan pa’ padukkuan api tunannang ro’tosan kayu nanna metamba to turun lako ba’bana lembang meongli to ti lantuk lako pentutuan liku sanda saratu’ koe situru’ bontongmo inde tinting paonganan te sarong aarongnga’ la membara tedong kalua’na .oeee tangla si puran inde o’do’ marioki nakua datu mani’ki sola to dallorioki …. Metamba to turun lako inde rara makamban oeee kenanglantek kumua kenna inayanta tongan tang ta tangga pa male tang umbenganpa unnorong , apa ladi pa tumba tondon ladi kua ladi apari kenatakui lenni kena sangga’….tiumba mi pantaranakna tongkonan allo ba’ba tiumba duka pantarisan mala’bi’na gayang mala’bi’na padang di makale padang di basse kakanna , siayo kalamba gayang di arru’ na padang di tambunnan si lo’le barana’ tarapang tallung penian,koee passakena puang tontong rinding pala’ki jomai pitunna lalan,ra’pakna esungan barana’ to ria untannun jomai te kalebona liku sanda karua…..
Oeee inang senga’ ke nang pang lolloan iang laen kenang pa’pendeng seleng sirenden, koee ta’dei sang papa’ endekkoi sang osso’ tangta tiro raka lako tang’ ta tiro raka tau tae ka ta pelelei na mambela na di issan toyang di pelelei to manoka pa lasongka ada’na la ti bambang sangka paleleanna ke siruai na lambi’ ke timmi na kilalai aeee mengka  buntu tang na laga tang na pennari ,tontong mo la metundan to mamma to dao rara meruyang to matindo te dao gayang lako ba’bana lembang lak pentutuan liku untundan to sang basse nene’na urruyang to sangkala panda kapuanganna tiumba mi pale’ siayo kalamba’ tento si ambara barana’ la te passalinan pa’ padukkuan api ro’tosan kayu nanna ,tun tangna la na tengkai kalo’ tang na lampa pa sala umah ada’ titanan tallang sangka ti osok bulo ala’ jomai banua nene’na tongkonan todolona iamo rampo ta pembababi inde gayang mala’bi jomai ba’ba lembang , na pentingayoi inde tarapang makaridi’ jomai pentutuan liku siayo kalamba’mi gayang mala’bi’na lan te passalinan tiumba padang di paniki nanai bendan paloloan sale karurung alloangngina’ to urra’ta’ gayang si arru’ to umpolo panantaki lolo lan lepongan bulan tiumba duka siambara lamba pantranakna marabiang panglolona pagunturan to bendan paloloan to te’dak pala’baran lan padang di bebo’ tiumba pantranakna di to’pondan ti tillang  

Kada Tomina Tondok Matari’ Allo Lili’na Lepongan Bulan (Toraja)

Ooooeeee inang senga’ kenang to di lando lalanan tedong ma’bulo aluk, inang laen ke to dinang pa’taunan karambau ma’ songgo bisara’ tangta tiro raka lak tang ta’pa rika matan ta endekkoi sang bara;na langngan ia membulean ahhaeee ke siruai nalambi’ ke temmi nakilalai ahhaee mengka buntu tang na laga tanete tangna pennari ,kooeee na ruyang sambo’ to sang basse nene’na na tama te pang rante bulaanna tongkonan la ma’bummbu si dolloan inde tong sangkalapanda kapuanganna tama te pa’kombong rara’na isungan, koee tondok rongko’ te milambi’ daenan batu lapparan tondok membasse allo di pandung pangngossoran doti langi’ manarang ia nene’na ne’ rante balik pande ia to dolona do’ mangringki untandai padang rongko’ saleko batu lapparan na pa bendanni banua na osokki lando long. Koee tindak sarira longana langngan kila’ pamiringna sola te alang ma’dandan panito ma’paran paran nanai sussare gayang unnisung ton tarapang tontong la metundan to mamma inde rara makamban meruyang tomatindo tedao rara’ te dao angin angina si ambara lamba’mi pale’ tingting paonganan salombe’ parerung inde selek sirenden  gayang mala’bi’na tarapang makaridi’na padang di tambunan koee tang ta issan raka tau tae’ka ta pelelei iamo to mellolo sugi’ long  rangka’na too menta’bianan ta’bi tarunona to mai pantaranakna tongkonan allo ba’ba nanai bendan paloloan saroso kila’ tangta tiro raka lako tang ta’ pa raka matanta ia saleko ma’dandan ia bonga ma’paran paran lan tongkonan gantiri pa’gantiananna ahhahae tiumba duka titillang pantarisan mala’bi’na inde pa’rapuan kalua’na tu ontoroi to innisungngi sussarean di posangka ampu lembang lan lepongan bulan bapa’ anggota dewan sola to barru barana’na tentu ayo kalamba’na tiumba pantarisan mala’bi’na padang dir ante ba’tan mengkara’pa toding bulaanna tuna’ turiangna to layuk lammai padang di buakayu mengkara’pa  pantaranakna patoroi langi’ lammai padang di langda tiumba pantarisan mala’bi’na to di gente’ to di lando lalanni padang to di langda pa’ taunanni tobatangna titanan kaparengngesan  lammai issong kalua’ tiumba duka pantarisan  mala’bi’na tuna’ turiangna pong kadonton unlando lalanni aluk sanda pitunna tonna tallan padang di rura tiumba lammai padang di tikala tiumba duka titillang batu rupanna pantaranakna pong kalua’ to  bendan metamba to turun to tu nannang meongli to ti lantuk tonna di lutu tombang tonna dossa bala tana padang di lepongan bulan tiumba pantarisan mala’bi’na gayang makaridi’na padang di lampio tarapang malambi’na di gassi tiumba duka pantarisan mal’bi’na songgi patalo lan padang di lemo ahhahhaeee  tampa’ bating ki madondo’ ki pa lendu’ miki rokko garu’ga ampu lembang ahkakakakaeeee

Kada Tomina Tondok Matari’ Allo Lili’na Lepongan Bulan (Toraja)